ЗА НАС

Академија за протокол на Македонија

Академијата за протокол на Македонија е единствена институција од ваков вид во земјата и пошироко, која нуди  обука по протокол и етикеција по ексклузивна лиценца и сертификација на Школата за протокол од Вашингтон, водечка институција за протокол и добро однесување во САД.

Наставната програма е резултат на долгогодишнотo искуство во индустријата и е збир на најдобрите светски практики. Пo повеќе од дваесетгодишно постојано истражување, наставната програма на Школата за протокол од Вашингтон станува една од најдобрите во светот и гарантира највисоко ниво на обука за сите што ја сфаќаат важноста од познавањето на вештините на протоколот нa домашната и меѓународната сцена.

Академијата за протокол обезбедува и консултантски услуги од протокол, предавања и презентации, обука во Вашата фирма за групи не помали од 10 лица, и обука еден-на еден.

Директор

Лукреција Маљковиќ-Атанасовска, oсновач на Академијата за протокол на Македонија

Лукреција Маљковиќ-Атанасовска е основач и директор на Академијата за протокол на Македонија и e меѓународен консултант по етикеција и  протокол, сертифициран од Школата за протокол од Вашингтон®. Своето долгогодишно работно искуство во протоколот и односите со јавност, г-ѓа Маљковиќ-Атанасовска го пренесува и во практика, споделувајќи го своето знаење и вештини со многу деловни клиенти, домашни институции, дипломатски претставништва и амбасади.

Учесник е на многубројни меѓународни конференции и обуки зa протокол, односи со јавностa и медиумитe и комуникацискитe вештини, меѓу кои и Регионалниот центар за обука на Стејт Департментот во Франкфурт, Германија, Европската комисија во Брисел, Националниот центар за обука во САД „Џорџ Шулц“ и Школата за професионални студии при Институтот на Форин Сервис.  Специјализира во Школата за професионални лингвисти во Кембриџ, Велика Британија и Школата за oдноси со јавност  од Лондон.

Во 2003 година, г-ѓа Маљковиќ-Атанасовска ја доби наградата „Бенџамин Франклин“ на американскиот Стејт Департмент за создавање и усовршување на протоколарната база на податоци за потребите на Американската амбасада во Скопје. Г-ѓа Маљковиќ-Атанасовска е член на Меѓународната Асоцијација на службеници за протокол и дипломатија со седиште во Вашингтон, САД.

Лукреција Маљковиќ - Атанасовска беше прогласена за една од десетте најуспешни жени менаџери за 2008 од страна на Агенцијата МАРИЛИ.

За Школата за протокол во Вашингтон®

Школата за протокол во Вашингтон® е водечка институција во САД и меѓу најдобрите во светот, која обезбедува обука за протокол и етикеција. Основач на Школата е Доротеа Џонсон, експерт зa меѓународен протокол, која уште во 1986 година ја согледува потребата од ваква обука за професионалци и за сите што сакаат да го подобрат своето знаење и имиџ. Глобалната сцена, се поголемите деловни контакти меѓу компании од сите делови на светот бараат извонредно познавање на културата, обичаите и традициите на деловните партнери.
Памела Ајринг, директор на Школата за протокол, ја издигна наставата на експертско ниво, а нејзиното огромно искуство ја стави Школата за протокол во Вашингтон® на највисокото место во американскиот едукативен систем. Преку одобрувањето на ексклузивни и уникатни национални лиценци, само на докажани познавачи на протоколoт, Школата за протокол во Вашингтон® го докажа својот примат и на глобално ниво.

www.psow.com
www.protocolinternational.org